छत्रपती संभाजी नगर (औरंगाबाद),
दि. 29 मार्च 2026 — अखिल भारतीय उर्दू शिक्षक संघाच्या वतीने आयोजित राज्यस्तरीय मेळावा उत्साहपूर्ण वातावरणात पार पडला. भारत रत्न मौलाना अब्दुल कलाम आझाद संशोधन केंद्र, छत्रपती संभाजी नगर येथे झालेल्या या कार्यक्रमात आदर्श शिक्षक पुरस्कार वितरण सोहळा विशेष आकर्षण ठरला.
या वर्षीचा आदर्श शिक्षक पुरस्कार रुकनोद्दिन लतिफुज्जमा अश्रफी सर यांना प्रदान करण्यात आला. त्यांच्या शैक्षणिक, प्रशासकीय आणि सामाजिक क्षेत्रातील उल्लेखनीय कार्याची दखल घेऊन हा सन्मान देण्यात आला. त्यांच्या कार्याची प्रभावी छाप लक्षात घेता त्यांची राज्य पातळीवरील सह सचिव पदावरही निवड करण्यात आली, असे उपस्थित मान्यवरांनी नमूद केले.
रुकनोद्दिन सर यांनी आपल्या सेवाकाळात अनेक अभिनव उपक्रम राबवून शाळा आणि विद्यार्थ्यांच्या प्रगतीत मोलाचे योगदान दिले आहे. त्यामध्ये —
विद्यार्थ्यांच्या गुणवत्तावाढीसाठी विशेष मार्गदर्शन व अतिरिक्त वर्गांचे आयोजन,
उर्दू भाषेच्या संवर्धनासाठी विविध स्पर्धा, कार्यशाळा व उपक्रमांचे आयोजन,
शाळेतील शिस्त, गुणवत्ता आणि निकालात लक्षणीय सुधारणा घडवून आणणे
शिक्षक-पालक संवाद मजबूत करून विद्यार्थ्यांच्या सर्वांगीण विकासावर भर,
आर्थिकदृष्ट्या दुर्बल विद्यार्थ्यांना शैक्षणिक साहित्य व मार्गदर्शनाची मदत‘
प्रशासकीय कामकाज पारदर्शक व प्रभावीपणे हाताळून आदर्श व्यवस्थापन निर्माण,
या सर्व कार्यामुळे ते शिक्षकांमध्ये प्रेरणादायी व्यक्तिमत्त्व म्हणून ओळखले जातात. त्यांच्या या उल्लेखनीय योगदानामुळेच त्यांना आदर्श शिक्षक म्हणून गौरविण्यात आले असून, त्याच कार्याच्या बळावर संघटनेने त्यांच्यावर राज्य सह सचिव पदाची जबाबदारी सोपवली.
कार्यक्रमास संघटनेचे संस्थापक अध्यक्ष साजिद निसार सर, राज्य उपाध्यक्ष नाईक तज्जमुल सर, राज्य संघटक आबेद फारुकी सर, हिंगोली जिल्हा सल्लागार तौखीर सर वरीष्ठ लिपिक पठाण इलियास खान सर यांच्यासह राज्यभरातील अनेक पदाधिकारी व शिक्षक मोठ्या संख्येने उपस्थित होते.
मेळाव्यात उर्दू शिक्षणाच्या उन्नतीसाठी विविध विषयांवर मार्गदर्शन करण्यात आले व संघटनेच्या भावी वाटचालीचा आराखडा मांडण्यात आला. कार्यक्रमाच्या यशस्वी आयोजनाबद्दल आयोजकांचे सर्वत्र कौतुक होत आहे.
